رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    فيرس أمريكانى

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    فيرس أمريكانى

    مُساهمة  عماد الشقانى في السبت فبراير 27, 2010 7:41 pm

    خلاص العقل هنّج
    بقى زى الكمبيوتر
    و الجسم شايفه بنّج
    و كل شئ مسوجر
    من زحمة كام رساله مليانه فيروسات
    فيه فيرس امريكانى
    بيقسم تقسيمات
    خلانا بفكر تايه
    ضعفنا 00 ازاى نواجه
    قال ايه اسلامنا جانى
    قال ايه اسلامنا مات
    000000
    سياسة هد حيلنا 00
    مدروسه من زمان
    بتقولك عيش زمانّا
    قرآنّا ماضى 00 كان
    و تزّوق معصيّتنا
    بقينا وواحده 00 واحده
    بنكسل فى الادان
    اخلاقنا كات تعينّا
    جهادنا من ايمانّا
    دلوقتى من عملنا
    سقطنا فى الامتحان
    000000
    و الحل ايه مناسب يوقفلى المرمطه
    الأمه عندى حاسب 00
    محتاجه لفرمطه
    و نمحى كل حاجه بتغضب ربنا
    نتسلح بالفضيله 00 نطهر قلبنا
    كلمتنا تبقى واحده
    و الكل يشوفنا وحده
    وواحده 00 واحده 00 واحده
    نرجع مجدنا
    من غيرالرب نلقى 00 حياتنا ملخبطه

      الوقت/التاريخ الآن هو الأربعاء ديسمبر 13, 2017 7:39 pm