الطلاسم

الطلاســم واضحه عندى من غير رتوش
و الفراعنه فى بلدى كتروا ما بيختشوش
أمه بتموّت أصولها 00
حتى بتحارب رسولها
حتى جالها الامريــكانى اللى اسمه بوش
0000000
و انشغلنا بالأمانى و المعاصى
انشغلنا بكل شئ حتى الكراسى
و اللى كان فينا شديد 00
أصبح شهيد
حتى اسمه 00للنهارده 00 مانعرفوش
0000000
شايفين ولادنا بإيد ولادنا00 فى الاعتقال
لأجل نخدم كل خطوه فى الاحتلال
و انفضحنا فى كل شئ
العدو أصبح صديق
صاحبى قالّى : " جاى بذرى 00 ما نقدرووش "
0000000
عقل التنابله فى المحن 00 لازم يضيع
و احنا ضيّعنا الوطن يا عبسميع
دلوقتى بنقول ربنا
و بردو عاصيين ربنا
لما بقينا أرنبه فى وسط الوحوش
الطلاسم واضحه عندى من غير رتوش