الحركه نايمه

الحركه نايمه مفيش فلوس
و العمله عشش فيها سوس
و بقينا زى النمل صوره
كتير اونطى مفيش غموس
الحركه نايمه مفيش فلوس
00000000
فى السجن زادوا المحبوسين
حرام عليكوا يا مسئولين
فواتيركوا مالها زايده ليه ؟
ارقامها كابسه على النفوس
الحركه نايمه مفيش فلوس
00000000
اسعارنا زادت فى انفجار
تعالى شوف سعر الخضار
بنذق يومنا بأى قوت 00
و ان قرش فاض تاخده الدروس
الحركه نايمه مفيش فلوس
0000000
حكومتى غلطت فى الحساب
سرقانى عافيه بدون حساب
و ان جيت تلوم المسئولين
القرص يكتر م الناموس
الحركه نايمه مفيش فلوس