رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    فلسطينى

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    فلسطينى

    مُساهمة  عماد الشقانى في السبت فبراير 27, 2010 7:55 pm

    هنا أرضى 00 هنا طينى
    و متسمى فلسطينى
    و من أمه فيها الأقصى
    و أحزانى لها قصه
    بترويها دموع عينى
    0000000
    و أنا صغيّر لقيت عسكر 00
    بتضرب أمى و أبويا
    بقيت اجرى و متكدر
    و ناس بتنادى على أخويا
    و دبابه هنا واقفه
    غريبه اختى مش خايفه
    فى ايدها شايله كام طوبه
    و بتحدف 00 و بتخوّف
    و متخوّف ألاقى أختى مضروبه
    و فجأه بيتنا اتهدم
    ما بقيّت حتى جدرانه
    و ناس تصرخ 00 و ناس تلطم
    و دم كتير فى مكانه
    و فين أمى و فين عيلتى
    فى ثانيه كنت متيّتم
    غريب شالنى فى أحضانه
    بقيت أبكى و مش فاهم
    و مش قادر ااقول كلمه
    و لون اسود ظاهر باين 00
    حياتى كلها عتمه
    و لما هديت 00
    رجعت 00 جريت
    على الصوره اللى لمتنا فى ردم البيت
    بقيت أبكى و مش فاهم
    و مش قادر ااقول كلمه
    و خت الصوره ويايا
    و ابويا التانى ويايا
    بيدارى عنى احزانه
    و ربّانى مع جيرانه
    سألته يوميها عا الظالم
    و ليه يقتل و ليه ظالم
    و ليه حقده و عدوانه
    جاوبلى كل سؤلاتى
    حسيت برجوله جوايا
    أنا مسلم و دول كفره
    أنا متربى عل الفطره
    و دا عدوى عايز عمرى
    أخد أرضى
    أخد بكره
    و أنا دورى فدا الاقصى
    و قبل نهاية القصه 00
    بعاتبكم
    فى حكامكم
    هنا الاقصى شرف دينكم
    هنا الجنه بتندهكم
    دى صورة الدم قدامكم أماره
    تداروها بأفلامكم 00 خساره
    كل أحوالكم خساره
    خسارتى عند فرحتكم
    رايات السلم منهاره
    و ان يفضل كده حالكم
    ياويلكم 00
    ألف يا ويلكم
    و أنا دورى فدا الاقصى
    يارب تكملوا القصه
    لوجه الله بقولهالكم
    لوجه الله بقولهالكم

      الوقت/التاريخ الآن هو الجمعة أبريل 28, 2017 5:58 pm