رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    إبتسامات 8

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 59
    الموقع : elshaqany@yahoo.com

    إبتسامات 8

    مُساهمة  عماد الشقانى في الخميس مارس 25, 2010 6:31 pm

    نملة مات زوجها الفيل قعدت طول حياتها تدفن فيه 0

    فيل أمر نمله تطلع على الشجره قالتله اه يا سافل عايز تشوف وراكى 0

    اثنين مساطيل كانوا راكبين عربية وكان فى العربية دى قدامهم مراية فالأول بص فيها وقال الخلقه دى مش غريبه عليا فالتانى قاله ورينى كده فلما بص قاله إيه ياعم انت مسطول دا انا0

    اتنيين مساطيل راكبين عربيه فواحد بيقول للتاني "حاسب قدامك شجره" فمردش عليه راح مزعق شويه وقال "حااااسب قداااامك شجرة" برضه مردش عليه طراااااخ خبطوا في الشجره فقال الاول "مش قلتلك قدامك شجره" رد عليه وقاله "اعملك ايه مش انت الي سايق"

    مدرس عربى دخل الفصل قال للعيال النهارده إملاء اكتبوا ورايا,ذهب حسام إلى مصيف بلطيم يوم الأربعاء , قام تلميذ قالو يا أستاذ الهمزه على الألف ولا على السطر قاله خلاص خليها الخميس 0

    واحده بتخون جوزها,فجاه جوزها رجع بدرى من الشغل ,قعدت تلطم اوديك فين يا منيل جوزى جه استخبى ورا التليفزيون,جوزها دخل قالها خدى يا وليه اقلى السمك ده على ما اتفرج على الماتش ودخلت المطبخ وهى بتقلى السمك كل شويه السمك يقع منها على الارض قالتله خد يا راجل الحق ايه السمك الصاحى ده كل ما اقلى سمكه تنط على الارض قالها تعالى شوفى اللى بيحصل كل ما الاهلى يجيب جون ألاقى واحد طالع من التليفزيون يبوسنى ويرجع تانى 0

    مدرس سأل تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى أبوك دفع كام ؟ فقاله التلميذ يبقى دفع اتنين جنيه 00 اندهش الاستاذ و قاله بص يابنى انت ماتعرفش حساب فقاله التلميذ لا يا أستاذ دا أنت اللى ماتعرفش ابويا0

    ماتش بين فريقين حشرات في الشوط الاول فيه فريق انهزم واحد صفر و الشوط الثاني نزلت أم أربعه و أربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ؟ ٌقاله : كانت بتربط الجزمه0

    ندل ابوه طرده من البيت وهو طالع كتب على سور البيت ، مقر حركة طالبان0

    طفل بيقول لأبوه البخيل : بابا أنا حلمت إن انت اديتنى جنيه
    قاله طيب أوعى تصرفه 0

    جزار راح يخطب ، فأبو العروسه بيقول له المهر خمسين ألف جنيه....
    قال له الجزار : لـيــــــــــه هو الكيلو بكام ؟!0

    واحده كل لما القطر يعدى جنب البيت الدولاب ينفتح لوحده زهقت راحت جابت النجار قالتله شوفلك حل فى الدولاب كل لما القطر يعدى يفتح لوحده قالها طيب انا هادخل الدولاب واشوف كده ايه بيحصل جوزها جه حس بتخبيط فى الدولاب فتحه لقى النجار قاله بتعمل ايه عندك قاله مش هتصدقنى لو حلفتلك انى مستنى القطر0

    اتنين محششين قاعدين قدام مرايا الأول بيقول للتانى شايف الاتنين اللى قاعدين هناك دول قاله اه قاله تعالى نروحلهم لسه قايمين شافوا نفسهم فى المرايا قاله اقعد خلاص هما جايين .

    واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه0

    واحد ندل عرف ان الأموات بتحس وتسمع باللى بيحصل حواليها راح المقابر و شغل الكاسيت على أغنية الحياه حلوه0

    واحد باشا الزمن دار عليه وافتقر حب يشتغل اشتغل بتاع فجل وجرجير وقف فى السوق وهو لابس الطربوش وبيقول فجل يا حوش جرجير يا كلاب 0

    فى يوم المراة العالمى اجتمع 3 ستات واحدة امريكيه والتانية فرنسيه والتالتة صعيديه , قالوا لازم نحبب رجالتنا فينا ونعرفهم قيمتنا فاتفقوا محدش فيهم يقوم بواجبات البيت لمدة أسبوع ويتقابلوا بعدها يعرفوا النتيجة . بعد أسبوع الامريكيه : أضربت عن شغل البيت ومشفتش حاجه أول يومين لكن بعد كده جه صالحنى واتأسفلى .
    الفرنسية : أضربت عن شغل البيت ومشفتش حاجه أول يومين لكن بعد كدة جه وجابلى ورد و قالى أنا هاعمل كل حاجه 0
    الصعيدية : اضربت عن شغل البيت ومشفتش حاجة أول يومين لكن بعد كدة ابتديت أشوف بعنيا اليمين شويه بشويه0

    مسؤل كبير أوى راح يفتتح حمام سباحه فى نادى فى الصعيد فكان فى استقباله رئيس النادى فقام بشرح حمام السباحه وقال ده يافندم المنط الأربعين متر تعالى يا محمدين نط ؟؟ فنط محمدين وده يا فندم المنط الستين متر تعالى يا عثمان نط فنط عثمان قال المسئول : هايل هايل عظيم رد رئيس النادى وقاله : لا يافندم ولسه لما نملا الحمام ميه 0

    واحد كسلان جداً ...بيقول لصاحبه : مش أنا اشتغلت . قال له مبروك اشتغلت فين ؟؟
    قال له في مطبعه... اقعد علي الورق علشان ما يطيرش 0

    واحد بيحلم كل يوم بماتشات كتاكيت... راح للدكتور... فقاله هديلك حقنه دلوقتي ومش هاتحلم بيهم تاني خالص... قاله خليها بكره يا دكتور علشان النهارده ماتش النهائي0

    واحد جاهل اتجوز واحد خلفت بعد 3 شهور حلف يقتلها
    قالتله تعال نحسبها انت اتجوزت من كام شهر
    قالها 3
    قالتله وانا اتجوزت من كام شهر ؟ قالها 3
    قالتله واحنا اتجوزنا من كام شهر ؟ قالها 3
    قالتله 3و3و3 يساوي 9
    قالها صدق اللي قال العلم نور0

    حرامى دخل شقه ليسرقها فلقى واحد ومراته فسال مراته اسمك ايه قالتله مديحه قالها أنا مش هقتلك علشان اسمك على اسم أمى الله يرحمها وسال زوجها اسمك ايه قاله إبراهيم و بيدلعونى بيقولولى يا مديحه 0

    فرختين ماشين مع بعض فواحده فيهم معلقه فى صدرها بيضه فالفرخه التانيه بتقولها انتى ليه معلقه البيضه دى فى صدرك فقالت لها دى صورتى وأنا صغيره0

    واحد ما كانش بيغير على مراته فراحت لجارتها وقالت لها جوزى مبيغرش عليا قالت..خدى شبشب أبو حمادة حطيه على الباب وفعلا حطته جه جوزها قالها شبشب مين ده قالتله.. أبو حماده قالها رجعيهوله ليكون عايز ينزل استغربت وراحت قالت لجارتها ولا عمل حاجة قالت لها خدى بدلة أبو حماده حطيها على السرير شافها جوزها وقالها رجعيها لأبو حماده راحت لجارتها تقولها مفيش فايده 00قالت لها خدى أبو حماده نفسه حطيه فى الدولاب فلما جه جوزها قالتله انا عايزه اشترى فستان قالها منا لسة جايبلك فساتين أول امبارح قالتله طب تعالى نعد ، فتح الدولاب وقالها آدي 1-2-3 تعالى كده يا أبو حماده -4- 5 0

      الوقت/التاريخ الآن هو السبت يوليو 21, 2018 1:27 pm