رب اجعل هذا المنتدى نافع للناس و تقبل منا يارب العالمين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    صور واقعيه

    عماد الشقانى
    عماد الشقانى
    Admin


    عدد المساهمات : 635
    تاريخ التسجيل : 27/02/2010
    العمر : 65
    الموقع : elshaqany@yahoo.com

    صور واقعيه Empty صور واقعيه

    مُساهمة  عماد الشقانى الأربعاء مايو 26, 2010 6:13 pm

    صور واقعيه

    شباب و زى الفل 00 عود أخضر
    قعدين ماليهم شغل 00 أمر أغبر
    بيقولوا آهى عيشه و مستوره
    ازاى بنات الناس يا ناس ح تتستر ؟!

    000000000

    شغلوا البنات و الولاد قعدين
    دا أمر م الحاكم و لا أمر الدين
    و الست أهملت بيتها و سايبه طفل حزين
    مش فاضيه حتى ترضعه
    و الأب متحيّر

    000000000

    كتروا حريمنا و عملوا جمعيات
    و طالبوا بالمساواه و قالوا سيد مات
    و بقالها رأى و صوت 00
    من أجمل الاصوات
    تسمع كلامهم حلو
    الجسم يتخدر

    000000000

    و وظايف و عايزه سباق بالواسطه
    أو رشوه تدفعها عشان تخرج من الورطه
    أو وظيفه ميراث عن أب كان اُسطى
    و غير كل ده 00 الباقى يتحسّر

    000000000

    اختل الميزان فى البلد و قولنّا دى بطاله
    ناس من كبار البلد 00
    فى النهب شغّاله
    و ناس تهرب فلوسها
    أو عامله حصاله
    كان طبيعى يا ناس 00
    الفقر يتقدر

    000000000

    الخير كتير فى البلد سارقينه حكامه
    و الحق فيه انجلد 00
    مش وقت أيامه
    نص الشباب معتقل مش لاقى أحلامه
    و احنا أملنا اليوم 00
    الجامع الازهر

    000000000

    الدنيا مالها فى خطر و قلوبها مكتومه
    عايشين و زى البقر 00
    كفايه يا حكومه
    خايف فى يوم م الشرر 00
    نهب فى قومه
    نصلح نظام البلد 00
    و الحكم يطّهر

    000000000

    حزين أوى عل البلد 00 تركنا حكم الدين
    بعنينا شوفنا بلد 00
    اسمها فلسطين
    نزلوا الصهاينه عليها 00 نزلة القادرين
    و حكامنا العرب 00
    فى الصوره تتمنظر

    000000000

    ايه اللى باقى غير إن القيامه تقوم
    جيينّا يوم معجنه 00
    ما شوفنا زيه يوم
    بالذرى جى يضرب 00
    مش بضرب الشوم
    ما عملنا حساب كل ده
    و غيرنا كان أشطر

    000000000

    افتح حدودك 00 ماعدش فيها سكات
    لابد من وقفه 00
    الصبر عدى و فات
    سيبينا يا حكومه نقضى على الحيّات
    ماتقولش فيه معاهده
    دا سلم كان أغبر
    ــــــــــــــــــــــــــــــــــــــــــــــــــ
    شعر / عماد الدين الشقانى ـ المحامى

      الوقت/التاريخ الآن هو الجمعة مارس 29, 2024 7:05 am