رب اجعل هذا المنتدى نافع للناس و تقبل منا يارب العالمين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    أنا مسلمه

    عماد الشقانى
    عماد الشقانى
    Admin


    عدد المساهمات : 635
    تاريخ التسجيل : 27/02/2010
    العمر : 65
    الموقع : elshaqany@yahoo.com

    أنا مسلمه Empty أنا مسلمه

    مُساهمة  عماد الشقانى الأربعاء مايو 26, 2010 6:15 pm

    القدس أنا
    و أنا مسلمه
    و عندى ليكم مظلمه
    متظلمه
    من سقوط جسر الضماير
    جوه حكام البلاد
    و الملخبط فى المعاير
    و اللى جاهل فى الجهاد
    و اللى ضحى بيّا أنا
    أنا مسلمه

    000000

    إزاى يهودى ياخدنى منك
    أنا ليّا ياما حقوق عليك
    فين أمانتك 00 فينها غيرتك
    أنا مش مطالبه أترجى فيك
    أنا رمز دينك
    روح ديانتك
    أنا الامانه بين ايديك
    تعالى خدنى 00 انت منى
    أولى بيّا و أولى بيك
    صحّى القلوب المحزنه
    أنا مسلمه

    0000000

    فيه فريضه غايبه عنك
    و انت مطلوب للجهاد
    فى سبيل الله تضحى
    راح تفيدنى و تستفاد
    امتحانك هو قدرى
    لو تموت ح تموت شهيد
    و الشهيد عل الجنه بدرى
    يحيا فيها 00 يعيش سعيد
    أعلى درجات الهنا
    أنا مسلمه

    0000000

    إزاى بتسمع للاغانى
    و الحكاوى و الفتن
    دنيا فانيه 00
    و انت فانى
    مهما كان عندك زمن
    و انت ضعفك من هوانك
    و انا اللى بدفع التمن
    خدها منى نصيحه يا بنى
    إلزم حدودك فى المحن
    إلزم قوانين السما
    إدرس تاريخى و محنتى
    و سر ضعفى و قوتى
    ح تلاقى سرى عندكم
    أسباب هلاكى منكم
    سيبتوا تعاليم ربنا
    أنا مسلمه
    ــــــــــــــــــــــــــــــــــــــــــــــــــ
    شعر / عماد الدين الشقانى ـ المحامى

      الوقت/التاريخ الآن هو الخميس مارس 28, 2024 2:42 pm