رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    سوق الدردشه

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    سوق الدردشه

    مُساهمة  عماد الشقانى في الأربعاء مايو 26, 2010 6:53 pm

    نزلت سوق الدردشه
    لقيته كله فرفشه
    رميت شباكى و قولت أصيد
    طلعتلى قطه منعنشه
    00 انت قط ولا قطه 00؟
    انت جاتلك الزغطه ؟
    00 مين قطتى ؟
    قالتلى ناو
    00 منين يا قطه ؟
    الرد ناو
    00 بعدين معاكى ؟
    قالتلى افهم
    افهم نظام الكشكشه
    طب يعنى ايه ؟!
    00خالّى كلامك مختصر
    00وواحده واحده ح أفهمك
    ليه بس كتر الاسئله
    و جايبلى زاويه و منأله
    أنا عايزه أكله قرقشه
    00 تبقى انتى قطه
    : أيوه قطه
    أنا لبنانيه مخربشه
    أرض الكرامه موطنى
    على فكره انت تعبتنى
    معلش أسفه ح أختصر
    اسمى الحقيقى ده 00 رشا
    كلمتنى فى كل حاجه
    حتى حاجات الكلبشه
    و قالتلى احذر 00 فيه مراقبه
    فيه متابعه 00 فيه وشى
    كانت ظريفه بعقل واعى
    اشتقت اشوفها و قلبى داعى
    عازت تنام فأستأذنت
    و دعتها
    و نهيت معاها الدردشه
    00 يا خبر أبيض 00
    فيه ايه ؟
    مصلتش العشا

    ـــــــــــــــــــــــــــــــــــــــــــــــــ

    شعر / عماد الشقانى ـ المحامى

      الوقت/التاريخ الآن هو الإثنين سبتمبر 25, 2017 8:05 am