رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    أهل بلدى

    شاطر

    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 57
    الموقع : elshaqany@yahoo.com

    أهل بلدى

    مُساهمة  عماد الشقانى في الأربعاء مايو 26, 2010 7:45 pm

    أهل بلدى دول غلابه
    كل مالهم للديابه
    من ضرايب 00 تأمينات
    ولاّ شغل العدادات
    فيه كتير اتجن 00 مات
    و اللى مطلوب للنيابه
    أهل بلدى دول غلابه

    0000000

    أهل بلدى مطحونين
    و الحكومه بألف عين
    روحوا حاسبوا الهربانين
    ولاّ شرع الدنيا غابه ؟
    أهل بلدى دول غلابه

    0000000

    أهل بلدى فى الدمار
    ليه تخلوا السعر نار
    ولاّ حجتكوا الدولار
    انتوا جبتلهم كآبه
    أهل بلدى دول غلابه

    0000000

    أهل بلدى فى كل حته
    لاجل ينسوا 00 يقولوا نكته
    و البطون تحلم بفته
    و الحيتان كترت يا بابا
    أهل بلدى دول غلابه
    ــــــــــــــــــــــــــــــــــــــــــــــــ
    شعر / عماد الشقانى ـ المحامى

      الوقت/التاريخ الآن هو الإثنين يناير 16, 2017 10:46 pm