لن نسمح تتهان كرامتنا

بتواضع و انت بتستعلا ؟!
دا أنا زيّك 00 عدلك 00 مش قِله
و الطينه أهى زادت بله
شوّهنا الموازين فى بلادنا

0000000

فاض بينا من عدل ناسينا
ياما هونّا و بييجوا علينا
عايزنّا نسكت و نطاطى
لن نسمح تتهان كرامتنا

0000000

فيه مصيبه فى معرفة الهيبه
محتاجه لرباط و صليبه
مش ممكن ح تهينّى و أسكت
مش عايز تفهم دى مصيبه
نتيجتها مرسومه فى بيتنا

0000000

تتواضع 00 أشيلك على راسى
تتعالى 00 أدوسك بمداسى
و ان كانت على راسك ريشه
متهزش شعره من راسى
دى معادله و عادله فى فطرتنا

ــــــــــــــــــــــــــــــــــــــــــ


شعر / عماد الدين الشقانى ـ المحـامى