رب اجعل هذا المنتدى نافع للناس و تقبل منا يارب العالمين

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    ثورة الميــــدان

    عماد الشقانى
    عماد الشقانى
    Admin


    عدد المساهمات : 635
    تاريخ التسجيل : 27/02/2010
    العمر : 65
    الموقع : elshaqany@yahoo.com

    ثورة الميــــدان Empty ثورة الميــــدان

    مُساهمة  عماد الشقانى الجمعة فبراير 11, 2011 10:35 am

    ثورة الميدان

    ميدان فى دولة مصر
    من أشهر الميادين
    و رياح شايلها النصر
    بايدين شباب حلوين
    الحق سيفه بتر 00
    خوفنا و قلب جبان
    كل اللى فينا انفجر
    و بقينا كالبركان
    فهزمنا اللى افترى
    و اتهزمت الشياطين
    00000000
    بايقاع سريع مندفع
    طالبنا بالتغيير
    و الترمومتر ارتفع
    بيغذى كل ضمير
    فوجئنا بالمفترى خان الامانه و زاغ
    بهدل أمان البلد
    و الامن سابه فراغ
    لكن شباب البلد
    زى الاسود حارسين
    00000000
    و الرمز فاق و اشتغل
    و اتحقق التغيير
    و القيت شموس الامل
    فى عيون كتير و كتير
    لكن فيه أزمة ثقه
    فاتجددت طلبات
    رحيل أمان البلد 00
    و بأقذر العبارات
    لأ يا شباب البلد
    تحت الرئيس خطين
    00000000
    مهما كان رمزنا جوه القلوب ساكن
    لو هرب الرئيس أو رحل
    يتقال عليه خاين
    و الكل يضرب بعض
    تصفية حسابات
    و الحرب مش للعدو راح تبقى أهليه
    و اللى نجبوه نغيّره
    ما فى أهميه
    سيبوا الرئيس يشتغل
    دى كلها شهرين
    00000000
    ازاى تخلوا البلد عا الشاشه منهاره
    وقفت تروس المكن
    بأجنده جبّاره
    بيوت ما لاقيه القوت
    و كل يوم بيفوت 00
    عداده بخساره
    يا شباب البلد 00
    ما تخلقوش أزمات
    سيبوا اللى فات للقضا
    و العدل له ميزانه
    وصل الهتاف و الصدى
    لاسمه و عنوانه
    عايزين نعيش للبلد
    نخرج من الميادين
    ـــــــــــــــــــــــــــــــــــــــــــــــــــــ
    شعر / عماد الدين محمود الشقانى ـ المحامى

      الوقت/التاريخ الآن هو الخميس مارس 28, 2024 3:53 pm