ملامحنا مرسومه كآبه

جعجعنا و دماغنا وجعنا
بنهاتى علشان كرامتنا
متهانه من طقس محاكم
لا معامله ولا شئ ينصفنا

0000000

أضربنا من ظلم السلطه
ما بدأنا و الخصم حبسنا
و فضيحه فى العالم كله
الظلم عنوان أزمتنا

0000000

العدل مكسور جناحاته
أنياب السلطه فى أزماته
ما تقولّى فين هى حقوقنا

0000000

المصرى فرعونه فى دمه
لو يغضب م الصعب تلمه
مع انه طلعان عين أمه
عا الشاشه شايفين أحوالنا

0000000

ملامحنا مرسومه كآبه
من أقوى خلاّنا فى غابه
من أغنى خلاّنا غلابه
فقرونا 00 فضولنّا جيوبنا

0000000

نتيجتها 00 الكل فى ضيقه
و العنف بيزيد فى دقيقه
قطعنّا نفوسنا 00 دى حقيقه
بالتالى سقطت أخلاقنا
ـــــــــــــــــــــــــــــــ
شعر / عماد الدين الشقانى ـ المحامى