رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    نفسى الامور تتلم

    شاطر

    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 57
    الموقع : elshaqany@yahoo.com

    نفسى الامور تتلم

    مُساهمة  عماد الشقانى في الجمعة فبراير 11, 2011 11:04 am

    مصر يا أغلى وطن
    امتى الأمور تتلم
    شايف سحابة فتن
    وولادى عايزين مم
    ثورة شبابنا أمل
    و اتنفذت طلبات
    طلعنا م الشرنقه
    رفرفنا فى السموات
    لكن كفايه بقى
    عايزين بقى نشتغل
    نمحى ظلام الهم
    مصر يا أغلى وطن
    نفسى الشباب يهتم
    0000000
    الشاشه فى الميدان خطتها مدروسه
    بتشعلل النيران بأجنده مدسوسه
    و الرشوه و الغطيان
    احزابنا و الاخوان
    خلت الشبان 00 فى حاله ميئوسه
    لا بيسمعوا لعاقلين
    ولا لرجال الدين
    و إلقيت نسيج الوطن00
    بيعانى م السوسه
    0000000
    و أجنده عامله خراب
    ألعن من الارهاب
    أشباح فى توب الجن
    كسرت عيون الامن
    فوقفنا على الابواب
    نحرس بيوت عرضنا
    و ميدانّا شايفه أصم
    مصر يا أغلى وطن
    نفسى الشباب يهتم
    ـــــــــــــــــــــــــــــــــــــــــــــــــ
    شعر / عماد الدين الشقانى ـ المحامى

      الوقت/التاريخ الآن هو السبت فبراير 25, 2017 7:52 am