رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    شعر 24/1/2011

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    شعر 24/1/2011

    مُساهمة  عماد الشقانى في الجمعة فبراير 11, 2011 1:44 pm



    حان الانفجار

    احنا الرعاع
    احنا الضياع
    احنا اللى خلينا الفساد مليون ذراع
    حالة سكون 00 زى الجماد
    تاهوا العباد
    بس فى أتون 00
    الكل ضاع
    غضب الاله
    حصن الحياه
    دمعة عنينا بتشتهى لحظة وداع
    و الكل عايز ينتهى 00
    حالة انهيار
    و اليأس فجّر بعضنا
    حالة انتحار
    يا مسئولين الكيل طفح
    و الصوره بارزه فى الاطار 00
    و بنتفضح
    عايزين نعيش نص الحياه 00
    ربع الحياه
    ليه شعب مصر بيندبح
    يأسنا من شاشة الفرح
    كوره و أغانى 00 مسكنات
    الفرح أصبح ذكريات
    و البنك مشغول بحسابات 00
    للمسئولين 00 الهباشين
    اللى بانيين القصور
    و أنا بنجرح
    فين العداله يا بلد
    الكيل طفح
    من شعب تونس درسنا و لازم نفوق
    نفر من عيشة المواشى 00قبل النفوق
    حان الانفجار
    ما فى اختيار
    الكل جواه القرار
    سيبكوا من عجز الرعاع
    احنا فى ضياع
    و احنا اللى خلينا الفساد مليون ذراع
    حان الانفجار
    ــــــــــــــــــــــــــــــــــــــــــــــــ
    شعر / عماد الشقانى
    فى 24 / 1 / 2011
    [b][right]

      الوقت/التاريخ الآن هو الجمعة نوفمبر 24, 2017 9:18 pm