رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    شبابنا اهدى

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    شبابنا اهدى

    مُساهمة  عماد الشقانى في الخميس ديسمبر 06, 2012 1:54 pm

    اخرب ـ دمر
    طيح فى العسكر
    عمّر و اضرب بالخرطوش

    لو عندك عقل
    ما كنت تفكر
    ترمى بلادك وسط وحوش

    شايفك ثاير
    أوفر 00 طاير
    صوتك خلى الكون مرووش

    اهدى اهدى
    شبابنا اهدى
    حرام عليكم متفتروش

    مضحوك عليكم
    قدام عينيكم
    والصوره واضحه من غير رتوش

    إعلان مؤقت
    دا مش مخطط
    أما اللي خطط و متعرفوش 00

    عايز بلادنا
    فى الأرض و ادنى
    و الخونه كتروا ما بيختشوش

    و الفتنه نجحت
    موازينا جنحت
    و الشامته فرحت : ( عايزين نعوش )

    يارب نرسى
    الفتنه ( كرسى )
    إيه ذنب مرسى عشان قروش ؟!

    تبيع و تخرب
    بوشوش بتقلب
    و ان جيت تبرر ما بتقنعوش

    مش ده شبابنا
    و لا ده أملنا
    قفلنا بابنا دعينا قولنا يارب حوش
    ـــــــــــــــــــــــــــــــــــــــــ
    شعر / عماد الدين الشقانى ـ المحامى
    [وحدهم المديرون لديهم صلاحيات معاينة هذا الرابط]

      الوقت/التاريخ الآن هو السبت أغسطس 19, 2017 11:20 am