رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    سكرة موت

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 58
    الموقع : elshaqany@yahoo.com

    سكرة موت

    مُساهمة  عماد الشقانى في السبت فبراير 27, 2010 7:10 pm

    فى سكرة موت بنطوّح
    و امتى يا كاسى ح نروّح
    تعود تانى أراضينا
    وحشونا أهالينا
    صحيح ماتم و شوفناهم
    فى ايد صهيون بتتدبح

    000000000

    معلش ياربى 000 مش قادر 00
    أصون أرضى
    أصون عرضى
    بقيت بارد 00 ساكن ودى
    غناوى بلادى 00 بتفرّح

    00000000

    فى مره زمان بقول كلمه
    بعبر بيها عن ذاتى
    لقيت الامن على بابى
    عامل زحمه
    و طفوا كل أنوارى
    بقيت ضلمه
    و لما عدت لحياتى
    بقيت أسرح 00
    فى مين أصدق
    مجاهد 00 وصفه ارهابى 00 بيتهزأ ؟
    و لا أعيش كده بارد ؟
    لقيت الكل بيقولّى مفيش مبدأ
    سهرت الليل مع الساهر
    سكرت و جسمى مش قادر
    00 و بتهزأ
    فى ايدى الجوزه و الماشه
    و ناس حواليا حشاشه
    يورونى على الشاشه
    نزيف الدم و القسوه
    عينيه بس بتبحلق
    كإن الأمه فى المدبح

    00000000

    كرامة الامه متهانه
    و متهالكه و تعبانه
    لابد نفوق بقى 00 نصحصح

      الوقت/التاريخ الآن هو الجمعة نوفمبر 24, 2017 9:17 pm