قرش حرام

كروش كتير فى البلد محتاجه للدايه
يارب يطلع ولد يوضعلنا نهايه
المال الحرام افترى و معدش له آخر
و الحر فينه 00 فى طره
و القرض طار سافر
خلوا حياتنا فى هدد
ما تفوقى يا امايه
كروش كتير فى البلد محتاجه للدايه


00000000000


و ف شارع اسمه الهرم
الهلس فيه معروف
جايب لمصر الكرم
حزمة ألوف و ألوف
و اخوانّا أهل الحرم
بيدوبوا فى الهزات
فى المغنى ويّا الطرب
و الجنس له ألوفات
لبسنا والله العمم
و العار صبح مكشوف
فى شارع اسمه الهرم
الهلس فيه معروف


000000000000


و مخدرات تلوحك و فيها دخل كبير
فرضوا فيها الضرايب
خلّوا عقولنا تطير
شبابنا راح و انتهى
و معدش له هيبه
ووصلنا للمنتهى 00
وف منتهى الخيبه
و ان جيت فى يوم تنصحه
أهبل يقول تبرير
المخدرات تلوحك و فيها دخل كبير