إزاى حماس

ازاى حماس تضرب بارود
تقتل ولادى عل الحدود ؟!
عا الشاشه شايف فيه ارتباك
و سياستى ليه خادمه اليهود ؟!
000000
فين الضمير يا مسئولين
شمّتوا فينا المعتدين
مفيش فواصل أو حدود
ما بين أراضى المسلمين
000000
معروف عدوك ناكره ليه ؟!
فى الصوره شايفك بتداديه
قال فيه سلام 00 بينّا اتفاق
واجهنى 00 قولّى فاد بإيه ؟
000000
قطّع فى اخوك 00 فارض حصار
و قايمين نشارك بالجدار
و الخيبه صبحت بجناحات
فى عقول شبابنا ليل نهار
000000
بمسكنات علشان تنام
تحلم بأمنك و السلام
و ان جيت فى يوم تنطق جهاد
هتلاقى اسمك فى الليمان
000000
ولا المشايخ و العمم 00
خلونا مسخرة الامم
فتاوى طالعه مفرقه
متمزقه
و الشرع اصبح متهم
000000
الحل واضح للعباد
ننهض جميعاً للجهاد
ننصر إلهنا و نستقيم
نضرب جيوب المفسدين
العزم فينا 00 و الاتحاد