إلا الشباب

عدّى الصبا 00 عدّى الشباب
عدّى الزمان اللى فتن هند و رحاب
و إلقيت صبيه لخبطت عقلى الكبير
بتقول كلام زى العسل و كلام خطير
قال ايه بتحلم ترتبط بيّا يا ناس
أنا زى أبوكى 00
ازاى بقى ـ الشعر شاب
قالتلى كلمه بالحكم زى الحكيم
دارت جراح طول الزمن
طول السنين
كلمة بحبك تنحنى ليها القلوب
و إلقيت قرارى بيتحسم و بغير حساب
خت حبيبتى و انكتب بينا الكتاب
من بعد شهر ابتدا بينّا النقار
راح الوداد قول اتنسى
راح الهذار
و إلقيت لسانها كل يوم عمّال يزيد
لا و الغريب اتعودت جرح و سباب
بدأت تعاير صحتى 00 راجل كبير
و فضلت ابحث عن سبب
فلقيته شاب
جن جنونى و انتهى فيّا الوقار
مطعون فى شرفى و سمعتى
وسط الكلاب
و بحيله خايبه
قال دوا لحالة الجنون
أصبحت مجرم عل الهوا
جوه السجون
و ف سجن نفسى من الألم
جانى اكتئاب
نصيحتى للى فى الكبر
تاخد حكايتى للعبر
كلمه أاقولها فى مختصر
إلا الشباب
ــــــــــــــــــــــــــــــــــــــــــــ
المحامى الشاعر / عماد الشقانى (مستوحاه من قصة مسجون) لاحسن تفتكروها قصتى ههههههههههههههههههه