رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    إبتسامات 9

    شاطر
    avatar
    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 59
    الموقع : elshaqany@yahoo.com

    إبتسامات 9

    مُساهمة  عماد الشقانى في الخميس مارس 25, 2010 6:35 pm

    اتنين مجانين اتفقوا انهم يهربوا من المستشفى واحد قال للتانى لو لقينا السور عالى نهده لو لقيناه واطى ننط من فوقيه التانى قاله ماشى راحوا مالقوش سور قالوايا خساره المهمه فشلت 0

    صومالى ركبه عفريت العفريت مات من الجوع 0

    واحد راكب عربية صغيره جدا و واحد راكب عربية كبيره جدا 00 صاحب العربيه الصغيره بكل فخر قال لصاحب العربيه الكبيره:انت عارف العربيه دى فيها ايه قاله لا قاله العربيه دى فيها عفريت قاله ورينى كده دعك العربيه طلع منها عفريت ضخم وقال:شبيك لبيك تطلب ايه ؟ قاله 2شاى و ف ثانيه جاب الشاى 00 طمع صاحب العربية الكبيره و بدل عربيته بالعربيه الصغيره 00 و راح بيها بعيد فى الصحرا ودعك العربيه و طلع العفريت وقال:شبيك لبيك تطلب ايه ؟ قاله عايز دهب وفلوس كتير و عربيات رد العفريت : حيلك حيلك انا بعمل شاى بس 0

    وحده حامل راحت تولد الدكتور طلع اول طفل ضربه على ظهره وحطه على جنب جه وطلع التانى وحطه على جنب بيطلع التالت مارضيش يطلع قال للممرضه تعالى كملى انتى انا تعبت قام بص الطفل التالت وقالها الراجل اللى بيضرب العيال مشى ولا لسه0

    واحد شكله غلبان ويصعب على الكافر قاعد على قهوه باصص لكوباية شاى قدامه ومتنح ! شافه واحد رذل عامل نفسه فتوه , فقال اما اروح اتنطط عليه شويه
    ,راح داخل عليه وشد الكوبايه من قدامه وشربها على بق واحد , وحطها قدامه فاضيه وقاله :ماتنساش تدفع البقشيش !
    الراجل راح منفجر فى العياط والنهنهه! لدرجة انه صعب على الفتوه , فخبط على كتفه وقال:ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش ؟
    قاله انا مش بعيط عشان الشاى , بس النهارده اسوأ يوم فى حياتى !
    صحيت الصبح متأخر , فاخذت الموتوسيكل بتاع اخويا علشان ألحق الشغل بس برضه وصلت متأخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقه ! و ضربونى فى القسم عشان اعترف فقررت انتحر , جيت اشرب كوباية السم , جيت انت وخطفتها من قدامى 0

    ندل بيموت فبيوصى عياله يكونوا اندل منه قطعوا عنه خرطوم الأكسجين 0

    مساطيل مش عارفين يعملوا ايه قرروا يتخيلوا نفسهم سجاير و يحاولوا يطفوا السجاير واحد راح تحت المية وقال تيش انا اتطفيت و واحد جاب الشبشب وضرب على دماغه و قال انا اتطفيت و واحد رمى نفسه من البلكونه نزل على واحد تانى مسطول قاله ... احرقونا بقى0

    مدرس مصرى بيسأل مدرس أمريكى بتاخد كام فى الشهر فرد 2000دولار بدل سكن و1000دولار بدل موصلات و5000 الراتب الأساسى وإنت بقى بيدوك كام راتبك فالمصرى رد 350 رد الأمريكى قاله بدل إيه دول قاله بدل ماأشحت 0

    البوليس عمل كبسة على شوية شمامين و لفت نظره ان فيهم عيل صغير قوي واخد ركن لوحده وعمال يشم , فقرب منه و سأله: و الشمام الصغير اسمه ايه؟ رد الولد و قاله : كنتلوب يا باشا.

      الوقت/التاريخ الآن هو السبت يوليو 21, 2018 1:20 pm