رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    سقطت القوامه

    شاطر

    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 57
    الموقع : elshaqany@yahoo.com

    سقطت القوامه

    مُساهمة  عماد الشقانى في الأربعاء مايو 26, 2010 6:26 pm

    سقطت القوامه
    فأتهانت الكرامه
    و معدش فينا همه
    تقاوم الندامه

    000000

    رجاله خايبه فينا
    علّوا النسوان علينا
    سيبناهم لعبوا بينا
    فوقعت الحمامه
    سقطت القوامه

    000000

    و لما وقعنا تعبوا
    و راحوا لغيرنا لعبوا
    عل الخيبه ياللا خبّوا
    أهى ظهرت العلامه

    000000

    ستاتنا أنياب و سطوه
    و منهم ماسكه مطوه
    و الفحل جوزها عطوه
    إكياسه فى البيجامه
    سقطت القوامه

    000000

    و تشوف أفلام أنوثه
    اخراج الست نوسه
    من جنس حضن بوسه
    و تقولّى فيه سلامه
    سقطت القوامه

    000000

    ولا الحاجه فيفى
    بتهين الواد عفيفى
    ما تقولّى فين رغيفى
    أو حتى الاستقامه
    سقطت القوامه

    000000

    شبابنا فى البطاله
    بناتنا للعماله
    وصلنا لأدنى حاله
    العرفى و الندامه
    سقطت القوامه

    000000

    و امثال كتيره بينّا
    م اللى تهد حيلنّا
    و الحل يا ناس فى دينّا
    و ف آية القوامه
    سقطت القوامه

    ـــــــــــــــــــــــــــــــــــــــــــــ

    شعر / عماد الشقانى 00 المحـامى

      الوقت/التاريخ الآن هو الإثنين يناير 16, 2017 10:45 pm