رب اجعل هذا المنتدى نافع للناس و تقبل منا يارب العالمين

منتدى المحامى الشاعر


    شعر 28/1/2011

    شاطر

    عماد الشقانى
    Admin

    عدد المساهمات : 635
    تاريخ التسجيل : 27/02/2010
    العمر : 57
    الموقع : elshaqany@yahoo.com

    شعر 28/1/2011

    مُساهمة  عماد الشقانى في الجمعة فبراير 11, 2011 1:16 pm

    مصرالعظيمه بتتحرق

    مصر العظيمه بتتحرق
    مصر الحضاره بتتسرق
    مصر بتضيع مننا
    و المسئولين المفسدين 00
    بيقولوا بيانات من ورق
    بعتنا ليكم انذارات
    و اللى اتحرق و اللى اتشنق
    مبقتش أشوف غير السواد
    و آدى النتيجه عا الشاشات
    مصر العظيمه بتتحرق
    0000000
    و الرمزفى حالة ذهول
    و الكل فى حالة قلق
    ثورة غضب ضد الفساد
    ضد نهبين البلاد
    ضد اللى خلونى اتخنق
    أنا مش جماد
    صبرى طويل
    بس فى حدود
    و انتوا جاوزتوا الحدود
    مصيتوا دمى بمليارات
    لبنوك غريبه عا البلد
    سفينتى مالت للغرق
    و آدى النتيجه عا الشاشات
    مصر العظيمه بتتحرق
    00000000
    أعدائى طبعاً شمتانين
    شايفين ولادى مقهورين
    فضحتوا حالى يا مسئولين
    بس انتعشت من جديد
    قربت أخرج م النفق
    أنا بتخلق
    أنا بتخلق
    و الفجر جاى بعد السواد
    من بكره ح أسعد بالنبأ
    من بكره ح أسعد بالنبأ
    ـــــــــــــــــــــــــــــــــــــــــــــــ
    شعر / عماد الدين الشقانى ـ المحامى
    فى 28 / 1 / 2011

      الوقت/التاريخ الآن هو الإثنين يناير 16, 2017 10:45 pm