شباب فى العولمه

شباب فى العوّلمه
عا النت معلمه
من هلس و أنتمه
يا خسارة الأمه راحت
ما بقتش مسلمه

00000

شباب مش لاقى راحه
تعبان محتاج جراحه
فرسان أحلام بتحلم
فى الشات عامل مناحه
و الكل فى رمرمه

00000

تيك اواى فى كلام مشيّع
العربى فيه مرقّع
تقييمه فى نظرى عندى
زى التوب المقطع
محتاج للترجمه

00000

شباب معذور و لكن
صحيح مع اهله ساكن
مصروفه مش بكده
لكن 00 أنا قولت لكن 00
تعودوا لربنا

00000

سواد القلب نوره
فى ايمان بيأدى دوره
بلاش احباط وافهم
الأمه فى ملحمه

00000

أعداء بيحاربوا دينك
و جهاد بينادى : فينك ؟!
و انت ولا انت دارى
أعدائنا متوّهينك
فى أمور متحرمه

00000

وصلنا لأدنى حاله
حكامنا دول كُساله
و شهدا كتير يوماتى
بينادوا عليك 00 تعالى
انصفنا فى محكمه
اصحاب الحق فيها
الأمه المسلمه