سياسة المعونه

لما يجوّعونا 00 يبيّعونا 00 يضيّعونا
تبتدى سياسة المعونه
مش لوجه الله بيدّوا
و الصديق لو عايزه ضده
أو عدو بيقّل راحته
يوعده بالفقر عنده
من مقاطعه و من حصار
يهيّج الدنيادى ضده
يطحنه فى أضخم طاحونه
هى دى سياسة المعونه
0000000
المصالح أولويه
السلاح ( المسئوليه )
يملك النووى و يسرق
و احنا شايفينه بيسرق
العراق راحت ضحيه
و احنا ادوارنا اللى جايه
حتى وحدتنا الصوريه
شاركوا فيها و وزعونا
و اللى فاهم علاّ صوته
يا مسلمين قوموا و فوقوا
كان جزاه من أمن عُملا أرضه
تعلن الشاشات بموته
خطه حمياها الابالسه
البشر فى حياتها بائسه
حل كل العقده ديّة 00
اننا نطلب معونه
بس مش أمريكا 00 لأه 00
ربنا أكبر يا ابونا