صعيديه حبيبتى

صعيديه حبيبتى و من أسوان
و هواها فى قلبى عاملى جنان
حبيتها كتير
ووقعت أسير
و الاسر جميل 00 مدّينى حنان
صعيديه حبيبتى و من أسوان

00000000

سمارها جميل 00 دمها شربات
و الطبع أصيل 00 أخلاقها آيات
حبيتها فى يوم
من هذا اليوم
بدلّت الحزن بالابتسامات
نستنى الأسوه مع الحرمان
صعيديه حبيبتى و من أسوان

00000000

جايه الأفراح حوالينا تدور
زى الفراشات تفرح بالنور
ما تقولش كلام
تخاريف أحلام
بكره الأحلام تظهر للنور
و لو انى حقيقى بكون قلقان
صعيديه حبيبتى و من أسوان

00000000

قلقان و بخاف من اى عزول
أو أى شيطان يكدب فى القول
يظلم حبيبين
يبعد قلبين
و أعيش محروم فى هواك على طول
و اعيش من تانى مع الأحزان
صعيديه حبيبتى و من أسوان

00000000

و ف أى صلاه قولى الدعوات
و أنا بدعى معاكى مع الصلوات
اجمعنى يارب
بحبيب القلب
من غيرها حياتى مع الأموات
ازاى من غيرها أكون انسان
صعيديه حبيبتى و من أسوان

ـــــــــــــــــــــــــــــــــــــ

شعر / عماد الدين محمود الشقانى ـ المحامى