توك توك

توك توك كاتب طيّار
و زهقنى فى مشوّارى
لو كنت ركبت حمار
لوصلنى مكان دارى
شويّه و العجل هوّى
لقيت وقتى بيتمسىَ
يادى الخيبه
يادى الواكسه
و دوّرت على الاسطى
عامل مكسوف و دّارى
000000
و ايه الحل يا شُقشُوق ؟
: خلاص مش طالع التوك توك
نهار ابيض 00 و ليل باين
و شكله سواد 00 غطيس داكن
طريق مقطوع 00 طويل
لكن 00
أنا شايف حاجه بتبرُق
فضلت أمشى 00 أمل باقى
لقيت بطنى و امعائى 00 بتتلوّى
أنا ـ م الصبح 00 مفطرتش
و زاد نحسى
و زاد دائى
و جاى على نفسى بتقوّىَ
و لما وصلت بالعافيه
بلا آفيه 00
لقيت كافيه
أتارى اللى شوفته دا بيبرُق
عربيه كبيره مقلوبه
و مضروبه 00
و جنبيها
رضيع توك توك

000000000


من أشعار الفكاهه للمحامى الشاعر / عماد الدين محمود الشقانى