المعلم حنكشه

قاعد فى أنس و فرفشه
لا صلاّ مغرب و لا عِشا
ولا يعرف حتى ربنا
فاتح فى بيته 00 محششه

00000000

عايش حياته مش هنا
و مخه ضارب 00 ونوّنه
و ان قولت كلمه تنصحه
تلقى فى وشه العكننه
و علامه بارزه و كرمشه

0000000

ضيّع حياته فى الخطر
عايش مماته و ف ضرر
العقل زينه بيفقده
مخبول و مستنى القدر
و فاكر انه فى نعنشه

0000000

تجار بتتحدى الوطن
بتمص دمك بالتمن
و كل جسمك شكشكه
أثارها من ضرب الحقن
و كمان بيهذى بالغنا 00
الكلبه باعت مشمشه
اسم المعلم حنكشه
ـــــــــــــــــــــــــــــــــــــــ

من الخواطر الفكاهيه / عماد الشقانى