دايرة موت

كبر فى السن بان شيبته
و راحت منه عافيته
مريض بالقلب و السكر
و زوجته الرابعه تتغندر
جابتله بنت مش بنته

0000000

عمل تحاليل بأعجوبه
و نفسه الصعبه مغلوبه
قالوله البنت مش بنتك
جينات البصمه محسوبه
و باقى السر مع زوجته

0000000

مصيبه و كارثه نفسيه
فضيحه فى جلسه علنيه
و دعوى النفى منظوره
معاشه راح لمحاميّه
فى دايرة موت تايه فيها
خيانة العرض ترويها
قذارة زوجه موحوله
فى حق الطفله مسئوله
فى حق زوج وفى مخلص
كريم بالمال ليرضيها
تعالى الآن و شوف صورته
بلاوى الدنيا مرسومه
و موصوفه و موصومه
فى ركن الدنيا مدّارى
راح يصعب عليك حالته

ـــــــــــــــــــــــــــــــــــــــــــــ


شعر / عماد الشقانى 00 المحامى