كتكوت وزاره

حمار و راكبه ستوميت عفريت
عمال يبرطع و يرفس و مولع الكبريت
كتكوت وزاره بيهزأ الكتاكيت
قدامه محضر و الحل سهل بسيط

0000000

و الكل خايف من قسوة التلطيش
الناس غلابه 00 مش لاقيه حتى العيش
ما تاخد اجراءاتك
يا سيدى إعمله فيش
ايه لزمة تلفيقاتك و صناعة الحواديت

0000000

و ان كانت ترقياتك محتاجه للدرجات
متقولش ألفق محاضر و ضميرى ولى و مات
اتذكر يوم وفاتك و احصر اللعنات
اتذكر مره ربك 00 ح تدخل انهى بيت

0000000

و عشان الناس تحبك 00 بديّك م النصح نايب
استغفر كل ذنبك 00
و عُد للرب تايب
و اسمع للناس ألامهم 00
ح تلاقى الحق صايب
الكلمه الحلوه صدقه 00 فى المهنه ليها صيت

ـــــــــــــــــــــــــــــــــــــــــــــــ

شعر / عماد الشقانى ـ المحامى