سيبينى أحلم

سيبينى أحلم و الله أعلم نصيبى فين
و ان كنتى حلمى 00
إلهام لقلمى
فيه كلمتين
حبيت كلامك و لون خصامك
و دموع عينيكى 00
يا اغلى عين
و إلقيت مشاعرى
بتعّلى شعرى
و إلقيتنى طاير 00 معرفش فين
يا أرق نسمه
و أحلى بسمه
يا حلم عمرى من سنين
إن يوم جرحتك
أو يوم ضايقتك
ادينى فرصه بين جملتين
ح تلاقى قلبى
بيرد ذنبى
و بعقلى أفكر
ظلمت مين ؟
ااه م النهارده
حب و موده 00
بضحكه منك 00 قولتيلى بحلم
سيبينى أحلم و الله أعلم
نصيبى فين
ـــــــــــــــ
شعر / عماد الشقانى ـ المحامى