شعر 21 / 1 / 2011

بلد خرفان

مانيش خَرفان

لو قولت على بلادنا بلد خِرفان

أنياب بتنهشنا فى وسط النار

و الهمس جمّعنا بدمعة عار

و الأمن فرقنا 00 لزمنا الدار

عايشين فى أوطانّا بلا عنوان

00000000

و شوفنا الشعب فى تونس بيتحرر

من الطغيان

و شوفنا الطاغى يستعطف 00

و يتذلل بين البلدان

و حالنا أمَر من تونس 00

لكن خِرفان !

مفيش تغيير

وصلنا لحرق أجسادنا 00

من الافلاس

من الحرمان

من الظلم اللى عايشينه فى ليل و نهار

رمينا الحر لكلابنا و أهو بينداس

فخوفنا علينا وولادنا

من الطغيان

مفيش احساس

مانيش خَرفان

لو قولت على بلادنا 00

بلد خِرفان

ــــــــــــــــــــــــــــــــــــــــــــ

شعر / عماد الدين الشقانى

فى 21 / 1 / 2011